Read More!!!

Categories


9Jun

Borderlinx !!

borderlinx

يا هـ شركات الشحن الي شقنوا شق.. صدق من قال من حرك بلش 🙁 .. كنت شزيني مع ارمكس (صج يستغلوني) بس شغلي ماشي ..

من فتره حولت من Posta Puls الى Borderlinx بعد تجربه مريره..  شحنات ما توصل وتاخير على كيف السايق .. المهم حولت الى Borderlinx .. و توه قبل جم يوم وصلوا الشحنات وحده من اميركا (كتاب) و الثانيه من بريطانيا (مجله) ..

shoot my self

اول ما وصلت الشحنات الـ Mail Box  دزولي ايميل و حركات .. استانست و قلت الخدمه تبشر بخير بس ماكنت مستعيل على الشحن الى الكويت فما دشيت على الاكاونت الا اليوم .. و ياريتني ما دشيت .. احساسي لما شفت سعر الشحن بالضبط نفس الصوره —–> ياااا رباااااه ليييش؟؟ منو مقبس علي و على طلباتي 🙁 ..

وبعد التروي و التفكير قلت بخلي الشحنه لما توصل ٣ او ٤ اعداد و بعدين ادزهم الكويت على الاقل جذي راح تتقسم فلوس الشحن ..

بس الحق يقال .. نظام Borderlinx ممتاز و خدمه خمس نجوم و فيها خيارات كثيره افضل من Aramex و Posta Plus بس ما يصلح للكل.. يصلح للي يطلب بشكل دايم (لان تقدر تجمع الشحنات و تدزها مع بعض) يصلح للي يطلب شي وكراتينه كبيره (لان يقدر يدزلك الشحنه من غير الكرتون) .. فيه شغلات حلوه بس مثل ما قلت ما يصلح حق اي طلبيه ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -