Read More!!!

Categories


5May

IRON MAN 3 Sponsored by OSN

IRON MAN 3 OSN Privileges

بعد مشاركتي في OSN Privileges تلقيت ايميل الدعوه لحضور فيلم IRON MAN 3 في سينما غراند في مجمع الحمرا ..

من الناحيه الفنيه سينمات غراند برج الحمرا وايد احسن من سينمات شركة السينما … كذا فيلم رحت له في غراند كان عرضه احلى و اوضح و الشاشه انور من عروض شركة السينما .. فلما قالوا OSN ان العرض راح يكون في برج الحمرا قلت زين اشوه 🙂

الفيلم قوي و حلو، نفس مستوى الاجزاء الي قبله بس هالمره زايدين الكوميديا و التفسفس في بدلات IRON MAN .. الي اقصده بالتفسفس ان في الاجزاء الي طافت ماكان احد عنده بدلة IRON MAN الا توني ستارك بس في الجزء الثالث الجينرال رودز عنده بدله مابقى احد ما لبسها رودز لبسها villain  لبسها و الرئيس الامريكي لبسها هذا غير ان توني ستارك عنده ٤٢ بدله  يطيرون و يتحركون بروحهم .. يعني الوضع سلطه ايرون مان و ما صار حصري لـ توني ستاك يكون الايرون مان 🙁 و هذا الشي الي ما عجبني بالفيلم.

من الاسباب الي ماتخليني اروح السينما وايد في الكويت ان الافلام مقطعه 🙁 ان شاء الله راح انطره ينزل على OSN علشان اشوفه مره ثانيه كامل 🙂 ..

قصه الفيلم حلوه وفيها عبره لـ اللبيب بالاشاره يفهم (خصوصا للشعوب الغربيه – الحجي عن الماندرين)  و التصوير و الاخراج عجيبين .. كان فيلم ممتع الصراحه .. يستاهل تشوفنه ..

مدة الفيلم :  ١٣٠ دقيقه (بالسينما كان يمكن 105 🙁 ) الفيلم نازل 3D و 2D

تقييمي ٨/١٠  ..

2 Responses to “IRON MAN 3 Sponsored by OSN”

  1. سالفة ان توني ستارك يكون عنده 42 بدله ومو بس اهو يلبس هذا شي موجود في القصص (الكوميك) وهذا اقتباس من الكوميك اللي يكون فيه برج كامل فيه اكثر من 42 بدله

  2. Duke Fleed says:

    شكرا على الايضاح 🙂 .. للاسف ما قريت الكوميك بوكس ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -