Read More!!!

Categories


7Jan

الطيران العماني

Air Oman

قبل جم يوم من راس السنه كنت اتمشى بالافنيوز وخذيت بروشور لرحلات على الطيران العماني الى عمان و عجبني العرض (٢٦٢ دينار لشخصين كما هو مذكور في الاعلان) بس يوم اتصل كان العرض غير ما هو موضح بالبروشور (طلع ٢٦٢ دينار للشخص اذا شخصين حجزوا يعني يطلع ٥٢٤ دينار) جان احجز بروحي من غير عرضهم وكان ارخص تقريبا بـ ١٥٠ دينار.

الرحلة كانت على الطيارن العماني و من موقعهم على الانترنت و طريقه الحجز وغيره توقعت اني راح اسافر على طيران ٥ نجوم او على الاقل شي ممتاز .. لكن برحلة الذهاب من الكويت الى مسقط تفاجأة بالطياره الي اول ما ركبتها حسيت اني راكب طيارة من طيايير الكويتيه القديمة نهايك عن التلف الي بالطياره .. لا شاشات ولا كراسي شغاله عدل و التاغات والستكرات الي على الكراسي مشلعه وفوق هذا الطياره فيها ريحه كريهه 🙁 .. كنت اقول ان مافي طيران في الخليج اسوء من الخطوط الجويه الكويتيه بس طلع في اسوء..

اما رحلة العوده من مسقط الى الكويت كانت افضل من الذهاب  بقليل الطياره كانت نظيفه و الكرسي شغال لكن مافي شاشات، بس هالمره الي صج قثني الخدمه الي تقدمها المضيفات للاجانب الاوروبيين مسوينهم يا دهينه لا تنكتين و الخليجيين و هنود و غيرهم ساحبين عليهم و النفس شينه..

برحلة الذهاب ما كليت لاني كنت سهران و الرحله كانت الساعه ٤ الفير فنمت طول الوقت .. اما بالعوده قلت بجرب الاكل يمكن يطلع طيب واخترت الطبق النباتي.. بس يا ريتني ما جربت .. الاكل الله يزيد النعمه من اول لقمه قلبت جبدي وماكملت و الي جالس يمي ما قدر و كت جبده 🙁 ..

بشكل عام ماراح اركب هالطياران الا للضروره القصوى لان الخدمه اسمحلي و الطيارات اسمحلي اكثر، مع اني حبيت عمان وجوها الا اني ان فكرت اروح فراح اروح بطيان غير الطيارن العماني.

One Response to “الطيران العماني”

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -