Read More!!!

Categories


3Dec

52 Degrees the most overrated brand as most of Kuwaiti entrepreneurs

قلنا كويتيين.. قلنا نسوي لنا بزنس..  قلنا عندنا افكار حلوه بس مو جذي.. شهـ الاسعار شهـ الاستغلال شهـ التخمبق؟

ذاك اليوم رحت 52 Degrees “قبل لا تروح له كيم” و قلت بشوف شالسالفه شنو هالـ 52 Degree .. لكن تفاجأة بافكار مركبه من البلوكات و المباركية لكن بجوده افضل لكن باسعار اغلى الماركات العالميه الي صارلها اكثر من ١٠٠ سنه، شدعوه عند الله السعى!!!

المشكله مو بس 52 Degrees الي معطي نفسه برستيج حتى المعارض الي تصير بالبيوت او الناس الي تبيع بالانستغرام و الواتس اب، بشكل عام تقريبا معظم الاعمال الكويتيه البيتوتية، ماشين على نفس المنوال، شغل تركيب البلوكات على المباركية و سوق الصفافير و الشغله الي تكلف ٥ دنانير يبيعونها بـ ٣٠ دينار، اوكي حلوه بس هامش الربح مو الف بالميه..

الي حرني و خلاني اكتب عن هالموضوع شغلتين.. الاولى دندرت الناس على غلاء المعيشه و زياده التجار للاسعار !! شوفوا نفسكم اول بجم تبيعون..

والشغله الثانيه، قبل جم يوم رحت معرض اجانب “امريكان و انجليز و هالسلالات – مو هنود و فلبن” لـ مشغولات يدوية و حركات من هالقبيل و شفت بضاعة و شغلات يدويه اصليه “genuine” مو ترقيع وتركيب و باسعار ارخص النص اذا مو اكثر و بنفس مستوى المعارض الكويتية اذا مو احسن.. هالمعرض حسسني ان الاجانب قنوعين و احنى ما نضرب الا على الشي الغالي..

السؤال لاصحاب المشاريع الصغيره و البيتوتيه؟؟  هل هذا نصب من قبلكم و لا منتج التجميع الكويتي منتج من ذهب؟؟ ولا الكويتيين ما يههم الفلوس و ما يبون الا الغالي؟؟

* الصوره من

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -