Read More!!!

july, 2017

No Events

august

No Events

Categories


18Sep

Humax iCord HD+

من فتره و قنوات ابوظبي قاعده تروج لجهاز iCord HD+ الي فيه خاصية التسجيل .. ولاني متعود على جهاز OSN الي يسجل  ما صدقت خبر و رحت شريت الـ iCord علشان نسجل برامج الدوري الانجليزي و نشوفها على راحتنا ومتى ما شتهينا..

الجهاز المفروض ينباع عند الوكيل ابوظبي “مؤسسة الحسينان – في الكويت” بـ ٧٠ دينار بس تحصلونه ارخص عند محلات الستلايتات و يمكن تحصلونه بــ ٦٥ دينار ..

بعد ما تشترون الجهاز لازم تروحون مكتب مؤسسة الحسينان علشان تحولون اشتراك ابوظبي من الجهاز القديم الى جهاز الـ iCord و بعد راح يوقف الاشتراك لمده ٢٤ ساعه تقريبا يعني لا تحول و باجر فريقك بيلعب ..

عقب ما تحول لازم تركب خط ستلايت يديد لان هالرسيفر لازم يركب عليه خطين ستلايت علشان تقدر تستخدم خاصيه “تشوف قناة و تسجل قناه بنفس الوقت”.. لان من غير الخط الثاني ما تقدر تسجل الا القناة الي قاعده تشوفها فالافضل انك تركب الخط الثاني..

يوم شريت الرسيفر شريته لسببين الاول ان اسجل البرامج الي ابي اشوفها و اشوفها على راحتي متى ما بغيت و الهدف الثاني اسجل مباريات مانشستر و اارشفها على جهازي بس للاسف ما تقدر تستخدم الملفات الي تسجلها من قنوات مشفره مثل قنوات ابوظبي 🙁 ..

تقدر تستخدم الرسيفر لتشغيل الفيديوهات الي بكمبيوترك لان فيه خاصية الميديا سيرفر .. تقدر تسجل من جميع القنوات و تقدر تنقلها على جهازك الكمبيوتر..

الملفات الي تتسجل على الرسيفر تكون بصيغة ts. وهالصيغ ما يشغلها الا برنامج مثل VLC بس الافضل انك تحولها الى AIV او MOV علشان تقدر تستخدمها بسهوله..

الجهاز سهل حاله حال اي رسيفر ومو معقد في ضبط وتوقيت البرامج الي تبي تسجلها .. بس ما يسوى ٧٠ دينار ولو ادري اني ما اقدر استخدم التسجيل لقنوات ابوظبي جان ما شريته ..

لمزيد من المعلومات يرجى الاتصال على مؤسسة الحسينان

تلفون :2262202

Leave a Reply

My Bucket List

Jacob’s Well, Texas – Fringe Festival, Edinburgh - Holi, India -
X