Read More!!!

Categories


2Aug

غبقة دايت كير

تعودنا من مركز دايت كير كل شهر يسوي لنا محاضره خفيفه لطيفه ينورنا فيها ببعض العادات الخاطئه في اكلنا و بهالشهر عزمنا على غبقة شرح فيها شلون نسوي اكل صحي و متى افضل وقت تلعب فيه رياضه برمضان..

يقولك ان من الغلط انك تلعب رياضه تتطلب مجهود كبير قبل الفطور لان الجسم يحتاج طاقه  فاذا لعبت قبل الفطور لعبك هذا ما منه فايده و بدال لا تحرق دهون و تكبر عضل انت قاعد تخزن ماي.. و ان افضل وقت للرياضه هي بعد ساعتين من الفطور..

اما بالنسبه للاكل .. نصحونا بالابتعاد عن اي شي مقلي و يمكن الاستغناء عنه بالشوي ومثال على هذا “السمبوسه” بدال لا تقليها سوها بالفرن و قبل لا تدخلها الفرن ادهنها بالبيض علشان تتحمش و بدال لا تستخدم جبنه عاديه استخدم جبنه قليله الدسمه .. اما بالنسبه للمچابيس اذا بتسوي دياي استخدم الصدور ولا تسوي ديايه كامله و اذا ودك بلحم لا تسوي لحم خرفان سو لحم بقر.. و وقت الفطور لا تشرب شغلات بارده لان السوائل البارده تسوي تلبكات للمعده و لا تاكل اكل الدنيا كلها لان ان فرطت في الاكل الدم كله يتجه للمعده و ينشف الراس و يبلش الصداع..

ومن الامور الي شجعوا نسويها ان نسوي الصلصات بنفسنا علشان نتحكم بالمكونات و ما تكون حاليه زياده ولا فيها سكريات زياده..

كعادتهم كل شهر مركز دايت كير قدم معلومات حلوه و خفيفه و ننطرهم الشهر الياي ونشوف شعندهم جديد..

وللتواصل معاهم :

الموقع الالكتروني: thedietcare.com او الاتصال على 1806050

التويتر والانتستغرام : TheDietCare@

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -