Read More!!!

Categories


4Jul

Event: Zain’s Social Media Day 2012

نظمت شركة زين حفله صغيره لـ اليوم العالمي للتواصل الاجتماعي يوم 30 يونيو بس التنظيم ما كان اي تنظيم كان ابداع في كل شي و كله مفاجآت.

أول المفاجآت كانت الدعوه لهذا الحفل .. كرت الدعوه مسوينه بطريقه عجييييب و اعتقد انا و كل البلوغريه راح يخلوه هالكره من التذكارات القيمه لهم .. وبعد ما دزوا لنا كروت الدعوة قاموا البلوغيريه يتفننون في تصوير الكروت و يحطون صورهم بالانستغرام و هذا سوا جو مو طبيعي..

المفاجأه الثانيه كانت المكان… الحفل كان بـ “برج الحمرا” ومو اي مكان ببرج الحمرا…  في “Sky Lobby” يعني الحفل على ارتفاع 50 طابق من على مستوى سطح الارض..  يعني وانت فوق تشوف الكويت كلها و اي صوره تصورها تطلع حلو.. كان اختيار موفق جدا جدا من شركة زين لحدث مثل اليوم التواصل الاجتماعي العالمي..

كان الحفل عبارعن سوالف و دردشه بين المعزومين و تقريبا شركة زين عازمه كل البلوغريه يعني ما بقى احد ما شفته هناك في ناس بس سامع عنهم هالمره شفتهم..  ناهيك عن وجود بعض الفنانين مثل خالد الرندي, خالد امين و يعقوب عبدالله – هالانسان حده محترم و متواضع- وكان من الحضور عبدالله بوفتين , خالد الزنكي , هند الناهض و منال الدرويش و غيرهم .. يعني كان الحضور متنوع,, حتى مدراء شركة فيفا و الوطنيه كانوا معزومين ..

الحفل كان من الساعه  5 ونص لي الساعه 8 تقريبا و طول الساعتين و نص الاكل و العصائر و الحلو و الكيك و القهوه و المكسرات و البرد ما وقفوا كليت اكل مو طبيعي و شربت شرب ماصار كل شي كان يشوق و شكله حلو و طعمه لذيذ .. كل ما اقول بسي ماراح اكل شي يمر شي يديد شكله غير .. يومها صج طغيت بالاكل..

طبعا زين كرماء و هذا مو شي يديد عليهم فكانوا كل نص ساعه او اقل يسوون سحب على جائزتين او ثلاث – طبعا جوائز عليها القيمه مو اي جوائز و كان عمر العثمان هو مقدم الحفل و سوى جو من الفرفشه و الطماشه.

وكانت المفاجأه الثالثه هي تقديم الثلاثي المرح أصحاب برنامج “شنو يعني” على يوتيوب و فريق “In Your Face” فقره كوميدية حدها قويه.. و بعدها انهو الحفل بالعشى,, كان حفل اكثر من رائع حفل اكثر من منظم حفل محسوب فيه كل كبيره و صغيره بالملي الا الفيديو مال “علي مبارك” الي للاسف ما اشتغل 🙁 ..

شكرا زين على هذا اليوم و اشكر محمد المهيني على الجهد الجبار في انجاح هذا اليوم و يعطيكم العافيه ..

2 Responses to “Event: Zain’s Social Media Day 2012”

  1. Jacqui says:

    Great seeing you guys there!

  2. admin says:

    Likewise wallah,

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -