Read More!!!

Categories


3Jul

Butcher’s Den, Best Steak

بعد المجبوس و السمك الستيكات لعبتي .. ذاك اليوم شفت صوره مطعم ستيك في الانتسغرام وعبالي هالمطعم بلندن ولا شي من هالقبيل بس طلع المطعم في البدع سترب على قولتهم .

طبعا ما صدقت خبر و قلت خل اخذ العايله الكريمه و نروح نجرب هالمطعم الي شكله قوي .. رحنى يوم اليمعه على الغدا وطلبنا ستيكين و ميني بيرغر وريزوتو  وربيان بارد ومشاريب و حلينا ببرد ..

طبعا كان نجم الغدا الستيك .. طلبي كان “wagyu steak” استرالي ٢٥٠ غرام  و طريقة الطبخ “ميديام” بس لو ادري ان الستيك لي هالدرجه لذيذ جان طلبت الحجك الاكبر ٣٥٠ غرام لان بعد ما خلصت ستيكي قمت اكل مع اليهال و طيرت نص ستيك زوجتي..

الستيك كان لذيذ و مطبوخ حسب الطلب لا زايد ولا ناقص.. اللحمه كانت ترفه ولذيذه و ريحتها حلوه اما باقي الاكل كان عادي، مافيه شي مميز او زايد.. الرزوتو و الربيان كان بالامكان يكونون افضل بس كانوا حلوين :)..

الي ما عجبني بالمطعم الموسيقى العاليه 🙁 .. الواحد ما يقدر يسولف ولا يتكلم من كثر ما صوت الاغاني عالي 🙁 .. مطعم مثل هذا المفروض الموسيقى شوي هادية.

الشي الثاني الي عندي عليه ملاحظه اهو السعر.. اعتقد مبالغ فيه شوي الا اذا كنت ياي تاكل ستيك و بس .. اما اذا بتاكل وجبه من ٣ اطباق (مقبلات – طبق رئيسي – حلو) راح يطلع عليك الداس خصوصا اذا كانت مجموعه.

بالنسبه لي هذا احلى و افضل ستيك كليته داخل و خارج الكويت .. صج غالي بس يسوى .. وما طاب خاطري منه.

بعدها بيومين كان عندي ضيوف من استراليا چان اوديهم هناك وهالمره جان اطلبلي ستيك الحجم الكبير ٣٥٠ غرام 🙂 .. الضيوف كيفو على الستيكات وحده عجبهم ..

و بعدها بيوم چان اخذ ولد خالتي و نروح ناكلنا ستيك و كانت هذي زيارتي الثالثه خلال اسبوع 🙂 .. لان الستيك صج صج صج يسوى بس فلسني هالمطعم 🙁 ..

Butcher’s Den
Tel: 22263140

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -