Read More!!!

Categories


26Feb

الى خالد محمد الشهري .. مع التحية

في مثل هاليوم قبل ٢١ سنه كان فرحتي ما توصف بطرد العراقيين وتحرير الكويت .. شعور مامثله شعور .. احساس كانك امك ردت فيها الروح بعد ما ماتت .. ومثل هاللحظات ما تتكرر لان ما في احد يرجع يعيش بعد ما يموت ..

فجر ٢٦ فبراير ١٩٩١ كنا نتواصل مع جارنا بالاشارات و الليتات لان فجأه ومن غير مقدمات الجيش الشعبي العراقي الي بفريجنا كله انحاش و قب و خلال ساعات فضت مطقتنا منهم الله لا يبارك فيهم ..

وما صار العصر والا الجيش الكويتي السعودي و الامريكي واصلين الفروانيه و ما صدق الوالد خبر و خذانا وودانا نسلم ونبارك للجيوش تحريرهم الكويت..

الوضع كان كأنه عرس و الكل يبارك للكل .. اووووه يا فرحتنا هذاك اليووم..

وبيومها كلمت جندي امريكي وطلبته يعطيني تذكار وما ردني و عطاني باج المظلين وكتبي على علم الكويت و بعدها كلمت جندي سعودي “خالد محمد الشهري” بطل من ابطال حرب تحرير الكويت وطلبته نفس الطلب و عطاني تاغ الي باسمه والي يومنا هذا محتفظ فيهم واعتبرهم من اغنى مقتنياتي..

الله يحفظ الكويت من كل مكروه والله يبعد عنها الايام السوده.

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -