Read More!!!

Categories


2Feb

ليش التخريب و التكسير

من بلش موسم الشتا و احنى كل نهاية اسبوع في مخيمنا في بر السالمي .. ومن اسبوعين طحنى على مكان مهجور قلنا يمكن كان مخفر او مركز امن للبر وقلنا خل نشوفه .. بس يوم قربنا عليه ولا المكان يديد بتي، ما استخدم كلش.. المخفر شي مرتب حاطين لهم بلاط و مظلات و عرزاله من بره و من داخل مجهز من كل شي.. بداله وانترنت و تكييف و حمامات كامله و الدرايش شتر و جام عاكس .. يعني مخفر ٥ نجوم ما تحصل نفسه بالديره..

بس لما قربنا زياده و دشينا ولا ملعون ابو خامسه.. ما بقى شي ما انباق فيه.. و الي ما انباق تكسر .. شي صج يقهر لان مكان مثل هذا كلف الدوله شي و شويات صج ما يتقارن مع البوقات الي صايره بالديره بس همن حرام مركز جذي مبني و جاهز و محد استخدمه ويتم تكسيره و وبوقه ..  اعنبو هالناس مالها ضمير لا تحلل و لا تحرم !؟!  استغرب من هالناس الي فيهم حب التخريب..

اخليكم مع الصور .. لا حلوه ولا قوه الا بالله

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -