Read More!!!

june, 2017

No Events

july

No Events

Categories


14Dec

StoneGrill

امس رحت اتعشى في مطعم “Stonegrill” بعد ما سمعت كلام و مدح وايد .. و خذيت اليهال معاي قلت خل يتطمشون و يشوفوني شلون اشوي الستيك ..

المطعم كان في مجمع امنيه على ما اظن في الميزانين ٢ “نفس المجمع الي فيه فندق ايبيس” المكان حلو بس للاسف الموافق حدهم اي شي بس اشوه في فالي بارك.

جو المطعم عجيب و الكل يصور تقول قاعد بمباراة كل ساعه فلاش شكل من الطاولات الي يمك 🙂 .. تشكيل الاكل الي عندهم حلوه وكل شي يشوق وفرش و الاسعار شوي مبالغ فيها.

طلبنا كان شوربه عدس و شوربه كريما والثنتين عجيبين .. والمقبلات طلبنا سلطه جرجير و مشروم بالجبن وكانوا حدهم لذيذين..

تالي طلبنا ستيكين واحد احنى نشويه و الثاني خليناهم اهم يطبخونه علشان اذا عفست الدنيا وانا اشوي الا نلقى شي ناكله 🙂 .. المهم .. وصل الستيك الني مع الخضار و بلشنا الشوي اول شي بالخضار علشان نضمن ان الطريقه صح و كان الشوي اسهل من السهل ووناسه وعلى ابوي اني اشوي كل ساعه حاط ملح. و بعدها حطيت الستيك و نفس النظام سهل جدا طباخه .. والحلو بالموضوع ان الاكل دايما حار .. ما يمديه يبرد لان صحنك شوايه فشلون يبرد .. صج شي مرتب ..

الشي الوحيد الي ما عجبني عصيرهم – عصير ليمون بالنعناع – كله ثلج و مافيه طعم.

و بعد ما دفعنا و طلعنا وبطريجنا للسياره في محل سيجار اسمه “بيغ سموك” ريحه السيجار فايحه بالممر وتقول وتنادي تعال فدشيت و خذيت لي سيجارتين، وحده حق الدرب اسحك فيها بعد الستيك و الثانيه ليوم ثاني. لعشاق السيجار انصحهم في هذا المحل .. صاحب المحل حبوب و رجل فاهم بالسيجار وان شاء الله لي زياره له مره ثانيه و مطعم الصراحه قوي من ناحيه الاكل او الاجواء و يستاهل الزيارة.

رقم مطعم ستون غريل : Tel: +965 25720 848

One Response to “StoneGrill”

  1. […] من فتره رحت تعشيت في مطعم StoneGrill و طحت على محل سيجار شكله مرتب وفيه تشكيله من […]

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X