Read More!!!

Categories


17Nov

رأيي في اعمال الشغب امس

الكل شاف وسمع و قراء عن احداث امس الي صارت في ساحة الاراده “الي اسميها ساحة الفضايح”. الاحداث الي صارت من شغب و اعمال مصخره و تطاول على الشرطه و الحكومه و غيرها من رموز المفروض يكون لها هيبتها و عزتها بالديره غلط  لان هذا الي تربينا عليه او على الاقل هذا الي انا تربيت عليه..

الصغير يحترم الكبير , الشرطي بصفك مو ضدك , والحكومه و شيوخنا من آل صباح و بظلون آل صباح .. هذا الي صح و هذا الي مفروض نعلمه عيالنا مو المصخره الي صارت امس مهما كانت اسبابها.

المجلس وُجد لحل قضايا مثل هالقضايا, و مو علشان 3 مادري 4 اعضاء ما عجبهم سحب الاستجاوب يقومون يسوون الي سووه .. يعني المجلس اذا ما مشى حسب ما يبي الاخ البراك يعفس السالفه ويسوي نفسه “بريف هارت” و يقعد, شنو هالمنطق ..

انا ما اقول ان رئيس مجلس الوزراء ملاك و احسن واحد في الديره بالعكس بس مو جذي تحل الامور خصوصا في ديره مثل الكويت.

 “اللهم من اراد الكويت بسوء فرد كيده في نحره يارب و اجعل تدبيره تدميره و اشغلهم في انفسهم. اللهم ارنا عجائب قدرتك لكل من يعبث بأمن و استقرار الكويت”

اللهم آمين.

2 Responses to “رأيي في اعمال الشغب امس”

  1. Qdsaawy says:

    يا حبيبي في اشياء قاعده تصير بالديره وانت ماتدري
    و مسلم البراك هو صوت الشعب
    و عمر العين ما تعلا على الحاجب

  2. Ab Shtail says:

    مشكور لتعليقك .. بس هالاشياء الي تقول عنها قاعد تصير بالديره محد يدري عنها الا مسلم البراك وحاشيته ؟ و الباقي نايمين بالعسل ؟ ما يعقل هالكلام

    وبعدين هابين بمسلم البراك صوت الشعب و صوت الشعب, من قال!! مسلم البراك صُوت من صّوت له و صُوت من مشى وراه مو صُوت الشعب .. انا و غيري آلاف ما يمثلنا مسلم ولا نبيه يمثلنا و يتكلم بصوتنا .. على اي اساس سمى نفسه صوت الشعب!! و لا لزق الالقاب صار عادي .

    اما عن ان العين ما تعلى على الحاجب, حاجبك غير و حاجبي غير ..

    و بالنهايه هذا رايي و هذا رايك .. ماراح الزم تقتنع بالي قاعد اقوله.

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -