Read More!!!

april, 2017

No Events

may

No Events

Categories


17Dec

BMW vs Jeep

من قبل شهرين تقريبا شريت لي جيب رانغلر والكل كان يقولي ان وكالة جيب بالكويت مو شي بسبب الوكيل و ان الكراج مو ذاك الزود و نهيبه .. و قلت خل نشوف والله كريم لاني شريت السياره و خلصت ..

من ١٠ سنوات وانا استخدم سيارات “بي ام” بديت بـ فئة الـ ٣٠٠ و بعدها خذيت “ميني كوبر” و خذيت “بي ام” فئة الـ ٥٠٠ وكانت الوكاله افضل من ما يكون وماعندي عليها اي ملاحظه او مشكله …

وخلال الشهرين الي استخدمت فيها الجيب لاحظت فرق المعامله من ستاف المعرض بشيء من الاهمال و شكل المعرض حده متواضع .. و يوم ييت استلم الجيب مكان التسليم كان اي شي و حده داثر  🙂 .. ومن الاختلافات الي راح تاذيني ان تبديل الدهن كل ٥٠٠٠ كلم للجيب مو كل ١٠٠٠٠ مثل الـ ” بي ام”.. سالتهم جم كل سيرفر يكلف قالوا تقريبا ٣٠ الى ٣٥ دينار يعني كدينا خير..

بعد ٢٥٠٠ كلم من استخدام الجيب يه وقت السيرفس الاول ووديته على ابو ان السيرفس الاول و الاثاني يكون ببلاش حاله حال اي وكاله او علي الاقل مثل وكالة “بي ام” ..  بس اكتشف انه بفلوس ماكو شي بلوشي ..

السيرفس ماطول، خذي تقريبا ساعتين على ابو ان راح يجيكون السياره من الدعاميه لي الدعاميه و يبدلوا دهن و فلتر .. كانت الفاتوره ١٢ ونص دهن وفلتر و ١٢ ونص شغل ايدهم ..

ليلحين ما بين سوء الوكاله مثل ما قالوا الناس بس في فرق كبير بين وكالة الـ ” بي ام ” و وكالة ” الجيب” ..

 

6 Responses to “BMW vs Jeep”

  1. كلامك صحيح و انا شخصياً من عشاق جيب رانجلر و لاحظت بعد دمج الملا و بهبهاني صارت الوكاله من أسواء الوكالات في الكويت و انا انسان مجرب و محد قالي.. في عام ٢٠٠١ خذيت رانجلر من بهباني و كانت الخدمة تنافس باقي الشركات و الاسعار معقوله … و في ٢٠٠٨ خذيت واحد ثاني و في ٢٠١١ قبل كم شهر اخوي خذه و احد بعد… من اسواء الامور الى تواجهني هيا عدم مصداقية فريق العمل في تحديد الاعطال و القطع المستهلكه في السياره و ولا مره تم تسليمي السياره في اليوم المتفق عليه و عندما تتصل على الشخص المسئول عن سيارتك للاستفسار عن التأخير ما يردون عليك و سيفون و لما تخلص يكلمونك عشان تستلم جنه مو صاير شيء.. الله يعافي مركز الخدمه في مشرف احلى سيرفس و احلى كاسترول ٥٠٠٠ الابيض و وقت السيرفس الكبير صرت ادخل السيارات الوكاله عشان مره وحده ابدل القطع المستهلكه و انصح الجميع عدم دخول سيارة الجيب الى للسيرفس الكبير و تحياتي

  2. Ab Shtail says:

    شكراا على الرد ..

  3. نواف الرديني says:

    اكثر مبلغ دفعته حق سيرفس اللكزس كان 170 دينار و هذا السيرفس الكبير و معاه تبديل سفاسف و دسكات.
    الحين مدخلها تصليح الحادث و بتكلف تقريباً 250 – تبديل مو تصليح
    🙂

  4. Ab Shtail says:

    يا هلا نواف .. اول شي خطاك السوء على الحادث .. و بعدين السيارات نهيبه ما نفتك منهم

  5. نواف الرديني says:

    خطاك اللاش
    طال عمرك هذي الدعمة الي برمضان. توني فضيت لها 🙂

  6. Ab Shtail says:

    بيييه توك تسويها .. بس ما تنلام الشغل ماخذ كل وقتك و الله يعينك ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X