Read More!!!

Categories


17Oct

رحلة تايلند اليوم الثاني: طيران ثاني و الرحلة المكوكيه

مثل ماقالوا لنا امس الخطوط الكويتية الموقره دقيت عليهم اليوم الصبح و علشان اعرف شنو مصير سفرتي مع الشباب خصوصا ان الناس الي حاجزه امس كلهم ترحلوا الى رحلة اليوم و رحلة اليوم تقريبا كاملة العدد ..

من الساعه ٨ الى الساعه ١٠ خدمة الـ ١٧١ ماعطوني لا حق ولا باطل ولا عارفين متى يفتح مطار بانكوك علما بان المطار فتح من الفجر و كذا رحلة طبت مطار بانكوك و ما لقيت الا اني اقوم و اروح المطار علشان اتفاهم معاهم .. و بالمطار مكتب الحجوزات ينقزني الى مكتب الخدمه و مكتب الخدمه ينقزني الى المدير المناوب و المدير المناوب يدز تلكس حق الحجوزات و يقولي راجع الـ ١٧١ وسوها دوامه كبيره ضعت فيها و ماطلعت منها بشي مثل امس …

و انتهى الوضع المصخره الي حطوني فيه الكويتية الله يسامحهم باني لغيت حجزي و حجزت على الخطوط القطريه “من الكويت الى الدوحه الى كوالالمبور الى بوكيت ..

و بالفعل كانت رحلتنا الساعه ١٠:٣٠ بليل و رحنى الساعة ٨ و خلصنا امورنا بسهاله “الحمد الله بفضل الله” و طرنا بالطياره اليديد المرتبه الي كل شي شغال فيها و الخدمه الممتازه .. لكن الاكل اسمحلي ماعندهم الا صمونت دياي عطونياها في الرحلتين من الكويت الى الدوحة و من الدوحه الى كوالالمبور..

و الحمدالله بعد ١١ ساعه رحلة جويه وارضيه في مطارات الترانزيت .. وصلنا بوكيت الخضراء بس تفاجأت انها حده على قد حالها بيوت من خشب و عشيش و شوارع اي شي  و حال كسيف..

وصلنا فندقنا “Impiana” على البحر و شغل عدل مدل و اول ما وصلت قلت لهم يضبطون حجزنا على الليله الي ما يينا فيها و الصراحه ما قصروا عطونا ليله بدالها..

الجلو صحو و الرطوبه مو ذاك الزود و الدنيا زيطه على الاخر بس المكان وصخ و كله اكشاك..

طبعا بهاليوم ما خلينا مكان ما مشيناه علشان نشوف المنطقه و تعشينا ذاك العشى إلي طلع علينا الداس فيه و دفعنا ١٩ الف بات 🙂 بس الصراحه شي يسوى..

وبنهاية اليوم ضبطنا رحلة حق باجر ان شاء الله فيها فيله و بقيات و سباحه تحت الشلال  و نهايتها درافت في النهر..

 

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -