Read More!!!

Categories


16Oct

رحلة تايلند اليوم الاول: الكويتيه تلغي الرحلة

من شهر و نص انا و الشباب مخططين نروح تايلند بوكت و حجزنا فندقنا على “booking.com” و تذاكرنا علي الخطوط الجوية الكويتية من منبع وطني و على اساس انها تروح من غير اي ترانزيت الى تايلند.

و صار يوم السفره و الكل مستعد صارف فلوسه و لابس هدومه و احنى بطريجنا للمطار وصلني مسج الي شايفينه بالصوره..

طيارتنا الساعه ١١:٣٠ و الاخوان دزو المسج الساعه ٨:٣٠ يعني انسى تضبط شغلك من حجز فندق او طيران داخلي ،، اصلاً ما يمديك تستوعب الصدمة ..

المهم رحت المطار علشان نعرف شنو النظام تالي بس يوم وصلت لا خذيت لاحق ولا باطل..

يوم سالت الموظف شنو الحل للحجوزات و الاتزامات الي لنا بتايلند يرد علي ويقول عادي انلغت الرحلة دبر حالك وفجج مع الفندق و الطيران الثاني .. طبعا مو بس انا الي حالي جذي غيري حالهم اسوء الي عنده مراجعات طبيعه والي عنده مؤتمر مع الدوام وغيره وغيره .. والخطوط الكويتيه غير مبالين نهائياً..

وبالنهاية قالوا مالك الا باجر دق على 171 وشوف شصير عليك ..

3 Responses to “رحلة تايلند اليوم الاول: الكويتيه تلغي الرحلة”

  1. Q8me says:

    الله يعوضك اخوي
    وترا انا امس واصل من بانكوك الاوضاع اهناك ما تسر وفيه مناطق غرقانه
    منها ” آيوديا ” وفيها وفيات
    تقريبا ٣٠٠ شخص
    ويقولون ان بانكوك احتمال يحوشها فيضان
    بسبب الامطار الشديدة

  2. enigma says:

    فيه فيضانات بتايلند اكيد الرحلات راح تنلغي

    بطاقات الماستر والفيزا يكون فيهم تأمين سفر ويغطي هالحالات ,, اذا استخدمت الكروت جيك مع البنك شلون تسوي طلب عشان يعوضونك

    اذا دافع كاش او كينت الله يعينك على الكويتيه بس اتوقع هم يعوضونك

  3. بعد شتسوون خيييره

    هالشي مو بيد الكويتيه
    كارثه طبيعيه اللي صار بـ بتايلند

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -