Read More!!!

may, 2017

No Events

june

No Events

Categories


8Sep

re: مباراة الكويت – كوريا

الصراحه مادري من وين ابتدي بس كلمة وحده توصف تنظيم الاتحاد الكويتي و الناس القائمين عليه “فاشلين” و اقولها بالفم المليان حق اكبر واحد فيهم..

اول شي حرام تضيع جهود كثير من الناس في محاولة تنظيم المباراة.. الشرطة و القوات الخاصه بيض الله ويهم و الملعب بكشكاته و بنراته اكيد من شغل فيفا و الصراحه جزاهم الله خير الي خلو شكل الملعب حضاري شوي و قابل للاستخدام الادمي.

بس هذي الكويت صل على النبي لازم يطلعونلك بخشمك اذنك و لازم التخريب و الوصخ من كثير من الجماهير و المسؤولين.

كانت عندي تذاكر للمقصوره موزعينهم فيفا لنا و كنت بودي اليهال المباراة ويوم وصلنا قبل ساعه من وقت المباراة ولا البيبان مسكره و ماكو دخول للمقصوره. اسأل الشرطي الي على البوابه ليش ماكو دخول انا معاي تذاكر يقولي المقصورة عبت و انترست و الناس قاعدين على الدري !!

قلت له شنو يعني عبت و انترست و المفروض عدد التذكر نفس عدد الكراسي!!

طبعا ما جاوب, بس اكيدعلى كل بوابه قاعدين يزرقون ربعهم. عاد و انا اكلم الشرطي تبطلت البوابه الكبيره علشان في بنات يايين وبدشون المباراة و جان يدخلونهم وعلى ما وصلت البوابه الكبيره ولا مسكرينها..

شوي ولا مبطلين البوابه مره ثانيه علشان  شِيّاب ييان المباراة..  يعني البنات و كبار السن عادي يدشون والباجين الي عندنا تذاكر ** فيهم.

و بعد ما دش مليون شخص قبلي على نفس الطريقه كسرت خاطر الشرطي و دخلني داخل النادي و قالي الله يعينكم على دشت الملعب .. يوم دشيت النادي:

1. الملعب تقول حايشه اعصار من الوصخ و الفوضي و الحواجز و اللويه.

2. كل بوابه زابنين عليها 100 شخص يدورون احد يعرفونه علشان يدخلهم و بعضهم دخل.

3. ماكو منظمين من الملعب ولا من الاتحاد علشان يعدل من الهمجيه الي كانوا فيها الناس.

4. حاولت ادش المقصوره بس للاسف الناس فوق بعض فطلعت و دشيت من بوابة الدرجه الثانيه و طقيت فره على النادي كله علشان اقعد ورا القول.

و بعد مادشيت الملعب:

1. كالعادة الكراسي وصخه و مكسره.

2. المشجعين الي يشرب زقاير و الي يسب و الي يتحرش بالعوايل.

هذي كانت معاناتي لـ دخولي الملعب .. .. صج مجتمع متخلف صج تنظيم همجي.

في عالم اخر,, عالم الناس الي تفهم,, حضرت كذا مباراة لمانشستر وكان الحضور اكثر من 70 الف مشجع وكل مره كنا ندش قبل نص ساعه من وقت المباراة ولا كنت اشتري البارد و الماي على راحتي و اتمشى بدشتي الملعب والكرسي لك تتاخر ولا تيي حزت الحزه ماكو فرق.

وبالنهايه مبروك الكويت على التعادل و ان شاء الله المباريات الثلاث اليايه فوز و نتاهل للدور الي بعده.

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X