Read More!!!

june, 2017

No Events

july

No Events

Categories


25Jun

FAT32 & NTFS format

من فتره و انا اعاني من مشكله إعتقدت انها مشكلتي بروحي لاني استخدم الـ Mac وما توقعت انها مشكله تصادف الكل من مستخدمين Mac او Windows.

المشكله ببساطة اني ما اقدر انقل ملفات من كمبيوتري الى flash memory او hard disk اذا كان حجم الملف اكثر من ٤ غيغابايت اما اذا حاولت انقل مجموعة ملفات بنفس الحجم او اكبر عادي ِتنقل،  وبسبب اني ما احتاج انقل هالنوع من الملفات بشكل دائم طنشت الموضوع وقلت عادي اكبر و انسى مع الايام.

الا اني قبل جم يوم شريت media server وقاعد انزل افلام HD و اكتشفت ان معظم هالافلام حجم ملفاتها اكبر من ٤ غيغا و ما اقدر انقلها من كمبيتري الى media server جان أين و قلت يا انا يا هالافلام ولا راح اكسر media server. فبحبشت في النت و دورت ليش و شكو ما اقدر انقل اصلاً مو منطق اني ما اقدر انقل اكثر من ٤ غيغا.. و طلعت السالفه في نوع الفورمات الي مفروض اسويه حق hard disk او flash memory.

بالنسبه للـ Mac

علشان hard disk يشتغل على Mac و Windows لازم اسوي له فورمات بنظام FAT32 بس هالنظام نظام قديم مال قبل ١٩٩٥ و ١٩٩٨ يوم كان نقل الملفات بحجم الـ ٤ غيغا شي خيالي، وطلع هالنظام اهو النظام الدارج الي ايي عليه hard disk او flash memory علشان يستغل على الـ Mac و الـ Windows.

اما اذا بغيت انقل ملفات يفوق حجمهاالـ ٤ غيغا واكثر لازم اسوي فورمات بنظام الـ OSX journaled حق الـ Mac او NTFS حق الـ Windows علشان يقدر يستوعب hard disk الملف. بس اذا سويت هالفورمات للـ hard disk يا يشتغل على الـ Mac او يشتغل على الـ Windows وماراح يشتغل على الاثنين.

و بالفعل بعد ما سويت الفورمات بنظام OSX journaled و نقلت اول فلم نقل من غير اي مشكله و استمتعت في مشاهد Sucker Punch و Paul بنظام الـ HD.

ودمتم،..

For More info
http://support.apple.com/kb/ht2422
http://support.apple.com/kb/ht2355
http://hints.macworld.com/article.php?story=20080411155517808

2 Responses to “FAT32 & NTFS format”

  1. Pen sting says:

    سلام عليكم
    الحين بما ان غيرت نظام الملفات الى ماك تقدر تنزل برنامج
    اسمه
    macdrive
    وتشغله على الويندوز علشان تقدر تشوف الملفات وتنقلهم بسهوله عن طريق الويندوزوشغلة البرنامج يقرا نظام توزيع ملفات الماك
    موقع الشركة
    http://www.mediafour.com/products/macdrive

  2. Ab Shtail says:

    مشكوور عزيزي على هالمعلومة و البرنامج.. الصراح راح يفيدني كثير حق فلاشاتي لما استخدمهم بالوندوز .. قواك الله

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X