Read More!!!

Categories


16Sep

وين تغسل هدومك

على المعاشات الي ندفعها حق الخدم الا ان لازم يخربون الهدوم ، يا بغسيل ، يا بكوي .. نشتريهم بالغالي و بارده مبرده يخربونهم .. فشيء طبيعي الجأ الي المصبغة و مو دائما المصابغ شغلهم زين .. يعني كل يومين مصبغة غير.

صرفي الشهري للمصبغة من ٢٠ الى ٣٠ دينار ، يتغير حسب الطلعات و الحر .. في الفترة الاخيره جربت مصابغ توصيل الا انهم مو شي وقبل فتره شفت اعلان مصبغة Wash Lab الا ان اسعارها شي مبالغ فيه بس طريقتهم ممتازة و خدمة شي طيب ، الاسعار مبالغ فيها لي درجة ان مصروفي الشهري صار الضعف..

وقبل العيد شفت في سناب فرانكوم اعلان مصبغة Get Mirror Lake وعجبتني طريقتهم بس ليلحين ما جربتهم ، و ان شاء الله راح أبلش معاهم الاسبوع الياي ..

تدفع اشتراك شهري لعدد ٤ غسلات بالشهر وبكل غسله تقدر تغسل الي تقدر تحشره بچيس اُهم يعطونك اياه .. طبعا اُهم الي ايون ياخذون الهدوم وبعد يوم يردونها لك.

عندهم نوعين من الاشتراكات ، اشتراك بـ ٢٦ دك بالشهر ويشمل الاربع غسلات مع الكوي ، واشتراك بـ ٣٢ دك وهو نفس الشي الا ان فيه زيادة غسيل باليد  وتقدر توقف الاشتراك خلال الشهر واستئنافه ..

www.getmirrorlake.com

فكرة ممتازة و الحلو فيها الاشتراك و الچيسه ، يعني تكوي جينز ولا دشداشه ولا قمصان كله بنفس السعر المهم تترس الچيسه بالي تبيه و تعطيهم اياها..

تقدون تتابعونهم على اسنتغرامهم

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -