Read More!!!

Categories


29Mar

Samsung Kuwait !!

Samsung Kuwait Avenues

صارلي فتره وانا ودي اغير تلفزيوني الشارب ,, صار له عندي اكثر من 8 سنوات بس بالفترة الاخيره حسيت انه صار صغير و الوانه قامت تغمج بس قلت همن ماله داعي اغيره شغال وموفي بالغرض , ما حسيت بالحاجه اني اغيره خصوصا لما كنت كل ما اروح الافنيوز و امر سامسونج اشوف تلفزيوناهم وانا ودي اشتري بس البياعين ما يعرفون يسوقون ولا عندهم المعلومات الفنية على التلفزيونات الي يرغبونك تشتري .. اسوء موظفين مبيعات شفتهم , شفتهم في هذا المعرض.

المهم , أمس اخترب تلفزيوني و قلت خلاص , حان وقت شراء تلفزيون جديد , فرحت سامسونج الافنيوز و النيه خلاص شراي .. بس لما وصلت المحل ترددت في الشراء بسبب البياعين , كلامهم ركيك لما تسأله و تقارن بين التلفزيونات و يألفون في المعلومات لما تسألهم عن المواصفات.

ومن الاسئله الي كنت أسالهم , شنو فيرجين الـ HDMI ما يرد مادري او خل أسال احد يعرف , لا , يرد برقم ماله شغل او تأليف ,, و لما سألته عن Clear Motion Rate شنو الفرق اذا ارتفع ولا نزل , اول مرة جاوبني انه مهم لالعاب الفيديو و و و ,, بس لما شافني اني ميال لتلفزيون Clear Motion Rate نازل شوي , غير كلامه وقال لا ما يفرق وايد و ماراح تحس فيه  ومن الحجي … غير ان نفسية موظفينهم منفرين لابعد الحدود.

ولو لا ان مالي خلق اتفرفر بين المعارض الثانيه جان ما شريت منهم , ما اعتقد المره اليايه راح اشتري منهم شي و راح  اختصر الفلم و اروح يوريكا على طول.

One Response to “Samsung Kuwait !!”

  1. you will get a TV from SAMSUNG with fansy price and after only 3 months from buying date TV price will be reduce by 40% and more

    Accountant point of view

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -