Read More!!!

june, 2017

No Events

july

No Events

Categories


4Dec

 ارحموا عزيز قومٍ ذل

  

أعزائي مسؤولين الخطوط الجوية الكويتيه … ارحموا عزيز قومٍ ذل .. 

من صغرتي وانا ما اسافر الا على الكويتية، ما بقى مكان ما طرناه ولا شفناه الا و كانت سفرنا على الكويتية .. الا بالفتره الاخيره، تقريبا اخر ٥ او ٦ سنوات كانت سفراتي على الكويتية محدوده … و قاعد اطير على خطوط ثانية.

 طرت اليوم على الكويتية من الكويت الى لندن و بعدها قطار الى مانشستر .. حدي مستعيل على الوصول الى الفندق مو علشان شي غير اني اكتب شكثر كانت الطيارة تعيسة .. ماعمري ركبت وسيلة نقل (مو بس طيارة) مكسره و خربانه و عفى عليها الزمن كثر الي شفته في طيارة الخطوط الكويتيه المحترمة اليوم … 

رحلتي كانت على طيارة 777 (من الطيارات القديمة) طبعا اكثر من نصها كان فاضي .. و قلت يلله زين ماكو مسافرين وايد و يدعلونا المضبفين و ما يقصرون معانا بالخدمه.. الا ان الي صار العكس .. طايحين له سوالف مع بعض ومالهم خلق شغل و عسى ما تطلبهم يزرعونك و يعطونك النفسية.. 

اول ماركب بغيت كنبل بجهز نفسي حق النومه .. جان يقولون ماكو كنابل مو يايبين معانا …. هذا الطيارة ليلحين ما طارت و رايح لندن و تالي نيويورك .. 

صار وقت الغدا ، منيو وجبة الغدا تقدر تختار منه سمج او خضار او دياي .. سالني المضيف شتبي؟ قلت ابي دياي .. قال الدياي مو موجود .. رديت عليه: بس مكتوب بالمنيو في دياي، جان يقول اي هذا منيو قديم ، حاليا ماكو الا سمج او خضار ؟ 

طبعا الشاشات كلها مو شغاله وهذا مو شي يديد من اول و نظام الترفيه بالكويتيه اي كلام .. بس ان الكراسي ملعون او خيرها و تقعد عليها تحس بالهيكل الحديدي اكثر من الاسفنج هذي مصخره يديده علي.. حاولت اقعد بس الوضع ما يسمح .. فحطيت مخاد تحتي و على ظهري ترقيعا للموضوع .. سعر التذكره كان رسوم توصيل فقط من نقطة “أ” الى نقطة “ب”. 

ليش كل شي حلو دمرتوه، ليش كل شي مميز بكويتنا خربتوه؟ الكويتية كانت الافضل بالطيارات و المضيفين و تعدد الوجهات و الحين صارت الاسوء في كل شي .. 

آبوكم لابو جلب لكل من تسبب بتدهور الكويتية الى هذا المستوى.. 

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X