Read More!!!

april, 2017

No Events

may

No Events

Categories


2Aug

Don’t fly Etihad

  

فجأه ياتني سفره حق امريكا و لان الموسم مو موسم سفر اخترت الرحله الارخص سعر بين عروض الاسعار ، مع ان السعر ماكان رخيص مقارنة لو اني حاجز مبجر.

قبل لا احجز سالت طيران الاتحاد بصفحتهم بالفيس بوك عن خدماتهم و جودة طيرانهم و تم الرد علي من كذا شخص ان عندهم مشاكل في مطار ابوظبي ووايد يضيعون جناط .. بس ما حطيت الموضوع ببالي.

رحلتنا كلنت امس الساعه ٤ الفجر من مطار الكويت الكسيف و الزحمه و زاد الطين بله ان سير الجناط مو شغال و قاعدين ينقلون الجناط “مانيوال” يدوي بالعربانات ، شي قمة الفوضه. وعلشان جذي تاخرت طيارتنا في مطار كويت اكثر من ساعه ونص وخفت ما نلحق على رحلتنا الثانية الى نيويورك.

في رحلتنا من الكويت كانت الطيارة يديده و اكثر من مريحه و الخدمه ممتازه فاستبشرت خير بالموضوع و توقع ان رحلتنا الثالية الى امريكا بتكون سهالة .. بس من وصلنا مطار ابوظبي صارت الصجيه ..

لان احنا رايحين امريكا ففي مكتب تخليص جمركي امريكي و الصراحه حركه ممتازه بس للاسف التنظيم من قبل طيران الاتحاد فاشل لابعد الحدود. عند التدقيق و التفتش التابع لطيران الاتحاد ماكو ترتيب و ياخذون البوردنغ و يزرعونك على ما يتأكدون ان جنطتك تم استلامها في ابوظبي و تم ارسالها الى رحلة امريكا … من كثر المشاكل الي تصادفهم من تضييع جناط صار هذا روتينهم ، ما تدش التفتيش و التخليص الجمركي الامريكي الا لما يتاكدون من جنطتك و الاغلب جناطهم ما توصل وفي هالحالة يسألونك تبي تقعد في ابوظبي ولا تسافر من غير جنطه … سؤال غبي جداً 

طبعا حالي من حال الكثير ، نقول لا حول ولا قوه ، نسافر و انتو تالي ارسلو الجناط .. ننطر و نشوف اذا يوصلونهم وراح احدث هذا البوست .. 

وبعد تعكير المزاج و حال الجناط الي مادري شلون ركبنا طيارتنا لـ نيويورك ، وللاسف ماكانت بمستوى طيارة الرحلة الاولى ، ماكو انترنت وتشكيلة الافلام شي لا يذكر و للعلم هذي الطياره لـ Jet arilines مو الاتحاد ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X