Read More!!!

Categories


20Apr

Sharm el Shaikh #2

IMG_2686-0.JPG

اليوم الثاني لسبب او لاخر كان افضل ، من صباح الله خير و انا بالبحر ، يا اسبح يا اتشمس و ما سريت الا قبل المغرب بشويه ، ريلاكس لابعد الحدود ..

بنهاية المغرب رحت السوق القديم اشتري قهوه تركيه من “بن البرازيلي” حق واحد من الربع .. هالقهوه فيها شي غريب عجيب شكلها حده داثر بس زحمه و قهوته صح ، شي خيالي ، مع اني مو شريب تركيه ذاك الزود الا ان القهوه الي شربتها ليلحين تعن علي .. صاحبها اهو الي يشتري حبوب القهوه من البرازيل و اندونيسيا و يخلطهم و يحمصهم و يطحنهم، تشرب قهوه مزاجها عالي ..

على اول الليل رجعت خليج نعمه و بسطت في قهوه فيروز و ما فليت الا على الـ ١٢ .. قزرتها ما بين شيشه و عشى و خسارة ليفربول من الكاس و دقدقة عود .. الي صج دخلني جو عازف العود الي يفتر بالسوق و تناديه يعزفلك .. اشي ام كلثوم و عبدالحليم و اشي رويشد .. جوه ناااااار ..

ولما رجعت الفندق قعدت على المسبح اكتب ايميلاتي و تقاريري حق الدوام الا ان القارص شقني ..

ملاحظات اليوم .. البحر حده بارد، القهوه التركيه تسبب الادمان ، العود و الطرب الاصيل يريح النفسية ، القارص شر لا بد منه في مصر.

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -