Read More!!!

april, 2017

No Events

may

No Events

Categories


19Apr

Sharm el Shaikh #1

IMG_2672.JPG

صارلي فوق الاربع سنوات ما زرت شرم الشيخ .. و لما رَجعت  الخطوط الجوية الكويتيه خط شرم قلت فرصه اروح اريح بعد فتره متعبه من الامتحانات و الشغل على فيلمنا اليديد ..

عادتاً شرم زحمه فيها من كل الشعوب لان تقريبا جوها ممتاز طول السنه . بس برحلتنا من الكويت ماكان فيها الا ٣٠ راكب تقريبا .. فقلت الكويتيين توهم ما جهزوا حق السفر بس لما وصلنا شرم ، كان المطار فاضي .. وين الروس و الطليان و غيرهم من السواح !!

ثاني شي فرق معاي الاسعار .. كل شي دبل اذا مو اكثر ..  ما تروح مشوار الا دافع ١٠٠ جنيه و مشوار المطار ١٧٠ جنيه بينما قبل كان ٧٠ جنيه او شي جذي .. و القهاوي ما تقعد الا دافع ٣٠٠ الى ٤٠٠ جنيه .. التكاسي و القهاوي  شي نار..

البحر تقريبا فاضي ، وين الناس الي تتشمس وين الطراريد و الزحمه كله خف النص .. و خليج نعمه ماهو خليج نعمه ،، الزحمه و الناس و الجو الفرفشي تقريبا ميت .. مادري الوقت الي ييت فيه غلط و لا الوضع صار جدي علشان الاوضاع .. 

الشي الثالث الي فرق معاي .. العماله الي تشتغل بشرم ، لسان طويل  و كل من يبي بقشيش ناهيك عن البياعين الي بالشوارع الي طريقتهم بالتسويق اقرب الي الطراره و التسول .. 

احلى ما في شرم يبقى البحر . البحر عجيب و مايه عجيب و جو عجيب .. لعل و عسى خفت ريل السواح على شرم تنعكس على اعادة البيئه البحريه لعافيتها بعض الشي لان في الفترات الاخيره مستوى الاضطهاد للبحر كان خيالي .. 

الرحلات البحريه و الغوص هذي اهي اسعارها و هذا مستواها  ما تغير شي .. اعتقد لانها تدار من اجانب !! 

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X