Read More!!!

Categories


2Apr

Theeb ذيب

theeb

اول امس رحت السينما و انا نادر ما اروح السينما .. ، لان السينما بالكويت مش و لا بد .. كثير من صالات العرض بروجكتراتها تعبانه و الافلام مقطعه و الشعب اللهم لا حرج ..

عموما .. نصحني احد الاصدقاء بفيلم عربي حائز على ٣ جوائز و ٤ ترشيحات في مهرجان ابوظبي .. و ماصدقت خبر و رحت ..

حجزت فيلم الساعه ١٠ بليل في سينما الافنيوز صالة ٧ .. الصالة صغيره و مجكنمه ذكرتني بصالات المانيا البيتوتية .. صحيح ان الصالة صغيره بس بروجكترها ممتاز .. شي قوي ..

الفيلم من اخراج ناجي ابو نوار و الكاست كله كاست مغمور و مبتدأ حسب علمي .. و القصة و التصوير في الاردن ..

من اول مشهد في الفيلم تحس بفخامة الاخراج .. تحس بفن مو شي مش حالك .. التصوير تصوير سينمائي مو تلفزيوني .. و القصة كالتالي ..

ذيب الاخ الصغير لقبيلة ينشد فيها الظهر قصدهم واحد من البدو و يبيهم يدلون  عسكري انكليزي مكان بالصحرا .. و كعادة البدو ما يردون من يقصدهم و قاموا و دزوا الاخ الوسطي حسين يدليهم الدرب الا ان ذيب ملقوف و متعلق بحسين فيقوم و يلحق اخوه من غير ما يدري الا ان بنص الدرب يشوفونه و يتوهقون فيه..

تتوالا احداث بينهم و بين قطاعين الطرق و شوفوا شنو يصير عقبها .. ما ابي احرق عليكم الفيلم.

الفيلم وايد قوي من تصوير و اخراج و تمثيل .. القصه تخليكم دايما على ترقب شنو بصير بذيب لان ولد صغير في صحرا وقطاع طرق .. الا ان النهاية كانت غير مفهومه بعض الشي او غير متوقع لاحداث الفيلم ..

يعرض الفيلم في صالات عرض سينيسكيب لفترة محدود فانصحكم تروحون له مدام ليلحين موجود .. مدة الفيلم ساعه و ٤٠ دقيقة..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -