Read More!!!

march, 2017

No Events

april

1apr8:00 am- 10:00 amThe Final Clean-Up of the SeasonBeach Clean-up

Categories


15Feb

قرية الموروث الشعبي

HeritageVillage

قبل اسبوعين كنت حادر الديره مبجر من مخيمنا بالسالمي فقلت خل امر اهلي في قرية الموروث الشعبي ..

موقع القرية على طريق السالمي كيلو ٥٩ .. طريجه درب مو شوية ، واذا عايلة بتروح خل يسوون مثل ما سوو اهلي ، اجرولهم باص ٢٠ راكب و راحو رحله  ، هالحركه تنفع لاهل الديره اذا يبون يروحون ، يروحن كشته نهار كامل ..

لما وصلت دخلت القرية على طول الشارع الداخلي في اكشاك و جبرات المزايين على يمينك و يسارك ، مطاعم عيوش و زل و استكرات و استراحات كلها حق اهل المزايين .. شغلات تونس و ما تقول انك بالكويت ، بس للاسف الوضع فوضى  و همج مو طبيعيين .. السيارات تتخاطف عليك من كل صوب لا احترام ولا سيفتي و الشارع رايح راد يمشون فيه على كيف امهم ولا كأنه شارع ..

بس لما توصل للقرية تلقى الشرطه واقفه و مرتبه السير و ما تدخل الا العوايل ايام نهاية الاسبوع ..

القرية كبيره نوعا ما و فيها ٦ اقسام او صالات تستخدم كمعارض و محلات  اثنين صغار وايد و كان فيهم المعروضات الكويتيه و العمانية و اثنين مساحتهم متوسطه و كان فيهم المعروضات البحرينية و الاماراتية و اثنين كبار و كان فيهم المعروضات القطرية و السعودية.

عندك بعد ساحه كبيره اول ما تدش فيها بسطات يبيعون فيها كل شي ، الي يسوى و الي ما يسوى .. داخل بعد الصالات او المعارض عندك البحيره الصناعية و المطاعم. القرية كمرفق شي حلو و بنيان ممتاز كبيره و البحيره بس ناقصها نافوره ووالمطاعم في فوق الـ ٨ مطاعم غير القهاوي ، كمرفق تقدر تقول مثل مشروع كويتي و افتخر بس على اكثر و ارتب بس من غير تنظيم ، اصلاً ماكان في منظيم من اساسه :(..

اما المعروضات ماكان في شي يسوى شغلات تلش الا القسم الاماراتي ، القسم الوحيد الي تقدر تقول اي فيه شي ..

يوم حلو و مكان حلو بس اتمنى السنه اليايه يشيلون الاكشاش و الجبرات الي على الشارع و يكون فيه تنظيم اكثر و يمسكونه ناس متمرسه و تعرف شلون تدير مثل هالمعارض ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X