Read More!!!

april, 2017

No Events

may

No Events

Categories


12Feb

Flor De Las Antillas By My Father Cigar

Screen Shot 2015-02-09 at 3.36.19 PM

دخنت #FlorDeLasAntillas قبل جم يوم و ماكنت ذاكر اني مدخنه من قبل. بما ان الجو كان حلو طلعت مع زوجتي نشرب قهوه في مجمع الفنار .. يوم ييت اكتب عنه بدفتري ولا اشوف اني مدخنه برمضان السنه الي طافت و كان ثاني سيغار ادخنه في شهر الصيام.

دخنته في تجمع السيغار الي نظمة عبدالعزيز العتيقي بـ فندق شيراتون في English Lounge .. يومها مارضوا يدخلوني لاني ياي بشورت و فنيلة ، و الاخوان في الـ English Lounge طلع عندهم dress code و شغل رسميات بس بالاخير رفقوا بحالي و دخلت على اساس اني ما ادري و هالمره سماح.

حزتها كنت رايح مع صلاح بهبهاني و عبدالله المريخي و التقينا مع باجي الشباب بالتجمع و ماكان عددنا  كبير ، كنا ٧ تقريبا. و اشوه ان ما كنا اكثر من الـ ٧ لان كل شوي شابين بخور و مبخرين اللاونج .. چنهم يقولون تر حكرتونا.

طولنا بالقعده فوق الساعتين بس سيغاري خلص بعد اساعه و ربع تقريبا .. ساعه و ربع من الدخان الطيب بس حزتها كنت ابي ادخن سيغار ثاني ، حسيت انها ما قندت راسي.

نرجع للسيغار .. Flor De Las Antillas خفيف لطيف سحبته حلوه بس مافيه ذاك الدخان ، طعمه معتدل مو حاچم و مو ذاك القوه الي تحس فيه لا وقت ما تدخنها ولا بعد ما تدخنها ، مع انها سيغار بتبغ نيكاراغوي و المفروض تكون full flavor ناهيك عن brown Nicaraguan Sun Grown wrapper للسيغار الا انها مافيها ذاك الطعم الي يمسك ، لكن بكل مراحل تدخين السيغار راح تحس بطعم خفيف لخليط من نكهات الكاكاو والفلفل والأرز الحلو (sweet cedar). طفو السيغار يبر و ثقيل ، يعني تقدر تدخن السيغار كلها من غير ما تِـتَـتِـنها.

معنى Flor De Las Antillas هو “زهرة من جزر الأنتيل ” التي ترمز الى كوبا، وهي أكبر جزيرة في جزر الأنتيل وهي موطن لإرث عائلة غارسيا المشهوره في صنع السيغار.

تقييمي لها يوم ذخنتها بالتجمع كان ٣/٥ بس لما دخنته مره ثانيه قبل جم يوم مع زوحتي حسيتها ما تستاهل اكثر من ٢/٥ .. النوع نيكاراغوي – حجم ريبستو – قياس ٥٠/٥

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X