Read More!!!

Categories


27Aug

xCite Never Again

xcite

تقريبا كل من تعامل مع الكترونيات الغانم و صارت له مشكله بطل يتعامل معاهم و نصحني ما اشتري منهم  بس للاسف ماكنت مصدق انهم بهذا السوء وقلت يبالغون في سوء خدمات ما بعد البيع ، الا لما جربت بنفسي.

بتاريخ ٢٠ / ٦ اخترب عندي شفاط/مدخنه المطبخ و دقيت عليهم علشان يشوفون شالسالفه وعلى طول بعدها بجم يوم يوني البيت و شالوا الشفاط يچيكونه بالورشه.

و يطوف اسبوع ووراه اسبوع جان ادق على خدمة العملاء لان ما صارت يچكون شفاط اسبوعين ..

جان يقولون ان خربان و في قطعه مفروض تتبدل فقلت لهم بدلوها وين المشكله ..

ردوا اوكي كلها جم يوم و نييبه نركبه عندك ..

و بنهاية الاسبوع الثالث دقوا علي قالوا ان القطعه راح تتاخر شوي انطر علينا ١٠ ايام .. يعني بصير للـ الشفاط عندهم ٤ اسابيع و جم يوم .. طبعا لا حول ولا قوه الا بالله قلت لهم اوكي بنطر ..

و يطوف على القطعه اكثر من ٣ اسابيع ثانيه .. و ما دقوا ولا ردولي خبر ..

جان ادق على خدمة العملاء للمره الالف  يقطونها براس الورشه .. و الوشرشه يماطلون و بالنهاية قالولي ان هالقطعه مو موجوده و تعال اخذ فلوس الشفاط و اشتر غيره .. ٧ اسابيع و اكثر وانا انطر علشان اخرتها يوقولون لي تعال اخذ فلوس الشفاط .. و يوم رحت لهم ما عطوني المبلغ كامل .. يقولون في رسوم استهلاك وراح نخصم ٣٥٪ من سعره الاصلي .. آبوكم لا بو جلب على هاللويه..

وما انتهت المشكله هني للاسف بالعكس استمرت معاي لما شريت منهم الشفاط اليديد.. الاخ الفني الي ياي يركب الشفاط اليديد ركبه عوي و مدد وايراته تمديد خارجي .. الاخ علباله قاعد في سكن عزاب .. و ينقعوني اكثر من ٤ ايام على ما دزوا فني ثاني يعدل التركيب والتمديد ..

بعده هالسالفه مالك امل اشتري لو واير من هالشركه الخايسه .. لا مصداقيه ولا خدمه ولا موظفين نفس الناس .. وما خليتها بخاطري دشيت على سيرفس هيرو و قيمت تجربتي معاهم وانصح اي واحد عانى منهم او من اي شركه يسجل في سيرفس هيرو —> https://www.servicehero.com

3 Responses to “xCite Never Again”

  1. Kuwait10 says:

    الله يعين، شركة الغانم تركز على التسويق بس ما تركز على خدمة العملاء

  2. Abdallah says:

    اتفق وياك. بالذات بخدمة العملاء عندهم. حيل سيئة للاسف

    بس عندي سؤال, اذا الشفاط اخترب عندي وإفتل وايره.. عند منو اصلحه؟؟

    عندياه من مدة, مو يديد يعني.. ماركته باناسونك.. اكلم كهربجي ولا سباك مثلا؟

  3. Duke Fleed says:

    تكلم كهربجي 🙂 و شكرا على مرورك

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -