Read More!!!

Categories


4Nov

Katsuya, Kuwait

katsuya

امس رحنا تعشينا في “Katsuya” وقلنا نبي نجرب مطعم يديد لان تقريبا كل مطاعم الغراند افنيوز و السوق صارت مطاعم كويتيه و عيوش ..

المطعم كان زحمه ، بس اشوه على حظها على طول لقينا طاوله .. الترحيب و الجو العام عال العال.. المنيو حلو بس مو الي توقعته .. توقعت مطعم ياباني بحت بس طلع مطعم من ٥ مطابخ حسب كلام القرسون الي عيز و اهو يقرق علينا.

طلبنا مقبلات ايدومامي و روك شريمب وسلطه المشروم و طبقين رئيسيين ام الربيان و ربيان و الرولز تمبورا و  BSC و ساشيمي اخطبوط و ربيان وعصير هالابينو و تلاها برد و قهوه .. طبعا الطلب كان حق شخصين 🙂 ..

افضل ما في الطلب ..الروك شريمب “حده قوي” و ام الربيان “ تذوب ذوب بالاكل ” اما باقي الطلب عادي مو ذاك الـ واو .. بس الرولز اسمحلي كلش ما يسوى، التمبورا وايد كبيره لازم تقصصها علشان تقدر تاكلها و الـ BSC فوقها صلصه ثقيله تضيع طعم الرول بكبره .. كلش ما يازلي الرولز مالهم ..

وبعد ما خلصنا اكل طلبت الفاتوره و بغينا نتوهق لان ما يستقبلون بطاقات الـ American Express ولا الـ Knet شغاله.. يعني يا تدفع كاش يا روح اسحب و ارجع 🙂

بشكل عام اعطي المطعم ٣/٥ بس علشان ام الربيان و الجو العام ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -