Read More!!!

june, 2017

No Events

july

No Events

Categories


6Nov

My BAD experience with Emirates

fly Emirates logo

على اخر شهر ٩ سافرت الى “غرناطه، اسبانيا” في رحلت عمل على الطيران الاماراتية .. و من اساسه المفروض ما اروح على هالطيران مو علشان شي بس علشان في خطوط سير افضل من اني انزل جنوب و بعدها اصعد شمال ..

المهم لسبب او لآخر طرت على طيران الامارات و كل الامور كانت ممتازه الى ان وصلنا مطار “غرناطه” الكل خذا جناطه الا انا وواحد آسيوي .. شوي و ايينا واحد من المطار يقول جناطكم مو موجوده تعالوا مكتب الشكاوي نسجل طلب علشان باجر الصبح نوصلها لكم فندقكم (كنت واصل المغرب).. طبعا علبالي الموظف قاعد يتغشمر او هذي فقرة في برناج الكاميرا الخفيه لان ماعمري انحطيت بهالموقف و اول مره يصير لي بحياتي مع اني اسافر وايد ،، صج شعور لا احسد عليه.

رحنا المكتب و سجلنا الطلب و سألت موظف المطار وين الغلط الي صار؟؟ جان يقولي الموظف الي سجلك جناطك بالكويت ما سجل الرحلة كامله بس سجل الجناط من الكويت الى مدريد و نسى ان في رحلة الى غرناطه !! وحبيت اتأكد متى راح تييني الجنطه؟؟ جان يقول بالكثير باجر الصبح !! قلت زين و عادي تحصل باحسن الشركات ومافي موظف يخطأ او يسهى ..

بس ما وصلت الجنطه الا اليوم الثاني تالي الليل 🙁 يعني تبهدلت الا شويه .. و كانت هذي مشكلتي الاولى في السفره.

المشكله الثاني اهي الي صج صج قثتني و نرفزتني،.. في رحلة الرده الى الكويت.. الوضع كان عادي و الامور طيبه.. وزعوا الاكل.. كلينا و الحمدالله.. و صار الاتي :

يت المضيفه تشيل الاكل..

جان تقولي طاولني الصينية لان مافيها صبر تصير يمي و تاخذها..

قلت عادي ليش لاء اطاولها الصينية لاني قاعد على الممره ومافي مشكله..

وجان تقول حق الي يمي الي قاعد بالنص عطي الصينية..

يوم خذت الصينيه ولا تمررها فوق راسي..

طبعا التكييف شغال و يطير الخبز و القراطيس من على الصينيه علي..

قلت لها هذا غلط الي قاعد تسوينه..

المفروض ما تاخذين الصينية جذي،، جان تسحب علي..

و تاخذ الصينية من الي قاعد يم الدريشه..

وتتكرر نفس السالفه و يطير علي الاكل…

جان اقول لها This is stupid , و ردت علي قالت This is how we trained..

جان اتلاشط معاها شوي و اقول لها نادي المسؤل..

ياني المسؤل و سوى نفسه مهتم و خذا اسمي و رقم تلفوني و ايميلي..

و لي الحين صار اكثر من شهر ونص..  لا جاني رد منهم ولا هم يحزنون..

الي صار حتى مع مضيفه طيران درجه ثالثه ما يصير .. و ما اعتقد ان كل مضيفين طيران الامارات جذي بس هذي المضيفه كانت وقحه.. وهذا الي صار معاي في اخر رحله على طيران الامارات .. ناهيك عن التسمم الي حاشني اول ما وصلت الكويت من الاكل الي كليته بالطياره من دبي الى الكويت ..

3 Responses to “My BAD experience with Emirates”

  1. Basel says:

    للأسف مشاكل الاماراتية صارت وايد ، وللأسف بهرجة اعلامية وجوائز ، والخدمات صارت تعبانة

  2. Basel says:

    نسيت .. المهم وين الصوغة 🙂

  3. Duke Fleed says:

    عدل كلام والله ..

    اما الصوغه .. ان شاء الله السفره اليايه ما انساك ..

Leave a Reply

Recent Posts

My Bucket List

Jacob’s Well, Texas – Fringe Festival, Edinburgh - Holi, India -
X