You are currently browsing the archives for the Friends category.

Read More!!!

Categories

Archive for the ‘Friends’ Category

9Jul

اليوم السابع من رحلة تايلند المفروض نقعد مبجر لان ورانا رحله بحرية الى جزيرة جيمس بوند و هذا الرحلة راح تاخذ اليوم كله تقريبا لان راح نطلع من الفندق الساعه 9 الصبح و ماراح نرجع الا على 7 المغرب..

بس الشباب وين يقعودن الصبح بعد سهر الليل كله امس وما قعدوا الا حده حده و ما مدانا نتريق ولا شي 🙂

ركبنا باصنا و كملنا نومتنا لما وصلنا مرسانا ومنها ركبنا طرادنا.. و اتجهنا الى كذا جزيره مو على طول جزيره جيمس بوند..

الي اختلف بهذي الرحله عن رحلة جزيرة بيبي ان هذي الرحله يودونك مكانين تنزل فيهم و تجدف بالكاياك و سبحان الله على الطيبعه عندهم شي خيال و صج وناسه..

تالي ودونا جزيرة جيمس بوند ولان طرادنا كبير ما يصير يرسى على الجزيره فوقف بعيد وياخذونا بطراريد صغيره بس خوش طراريد كل طراد و طراد يفرق عن الثاني الي مضبط مكينته والي صابغه صبغه عجيبه و الي منيكل المكينه و الي مادري شنو .. حركات ..

عاد على الجزيره في اكشاك صغيره تبيع قلوب واكسسوارات وسوالف من هالقبيل تطمشنا عليهم ورحنا  افترينا الجزيره .. الجزيره مو كبيره بس فيها صعده و نزله والجو رطوبه يعني حدك تتعب 🙂 .. بس حلوه الجزيره تستاهل تتعب فيها ..

وبعدها ودونا جزيره ثانيه ريحنا فيها وكلينا اناناس و همب و رقي .. الفاكه حدها باره تسرسح على القلبك خصوصا بجوهم الرطب ..  و بعدها رجعونا لي المينا و ركبنا باصنا و ردينا فندقنا ..

اعتقد في كذا رحلة لـ جيمس بوند وكل وحده تفرق عن الثانيه .. في شي بطراد سريع و في شي تمر على سوق بالبحر .. بس الرحله تسوى وتونس ..

21Feb

نظم فريق مركز “Dive Center Kuwait Liveaboard” رحله برمائيه الى سواحل البحر الاحمر بمدينة “دهب”  في اواخر شهر يناير الماضي .. للاسف ما قدرت اروح معاهم لارتباطات الدوام بس الشباب الي راحوا استانسو و راح يكررون روحاتهم في رحلات ثانيه ان شاء الله.. وان شاء الله نكون معاهم ..

وغطت جريدة الوطن الرحله في صفحه الحداقة و البحر بالتالي : 

رحلة دهب الاستكشافية مع مركز Dive Center Kuwait Liveaboard

كتب خليل التميمي: اختتم مركز كويت ليف ابورد رحلة الغوص الاستكشافية الاولى والفريدة من نوعها في مدينة دهب – مصر. حيث كانت الرحلة المقامة منسقة في احد المنتجعات العالمية في دهب وقد تضنمت 12 غطسة تتم من خلال الغوصين النهاري والليلي مع نخبة من المدربين ذوي خبرة وكفاءة عالية من مركز كويت ليف ابورد لتدريب الغوص والرحلات البحرية.

كما تضمنت الرحلة مغامرات سفاري في صحراء جنوب سيناء وهي محميات طبيعية من قبل الجمهورية المصرية الشقيقة.
وقد قال الغواص والمصور المحترف مشعل العمر ان الرحلة كانت على مستوى عال من التنسيق، والخدمات المقدمة كانت مذهلة والصحبة ممتعة مع الشباب المشاركين في هذه الرحلة كما نمينا خبراتنا في مجال الغوص مع مدربي مركز كويت ليف ابورد.
واكد الكورس دايركتر ناصر بدر أن هذه الرحلة هي الاولى من نوعها في الكويت والتي تضمنت عدة فعاليات، منها كورسات تدريب عدة مراحل في الغطس ومحاضرات توعوية عن البيئة البحرية وطرق حمايتها.

وقال الكابتن عبدالله الشتيل ان احدى الغطسات كانت مخصصة إهداء للمرحومة بإذن الله تعالى الشيخة سلوى صباح الاحمد الجابر الصباح.

ونوه مدير مركز كويت ليف ابورد الكورس دايركتر عبدالعزيز الكندري بان المركز بصدد اقامة معرض خاص للغوص والمعدات البحرية في شهر مارس من هذا العام وسيقدم المركز عرض جميع صور الرحلات وتقديم عدة عروض مميزة خاصة بالتدريب والرحلات البحرية.

وقد اختتمت هذه الرحلة بتكريم المشاركين وعددهم 15 مشاركا مثلوا دولة الكويت بدرع وشهادات تقدير حول هذه الرحلة.
ويقوم المركز حاليا بتجهيز رحلات الصيف للمتدربين على مستوى المغاصات حول الجزر الكويتية بالاضافة الى رحلات خارج الكويت تتضمن دولاً آسيوية للاستمتاع بمشاهدة الاحياء والشعاب المرجانية كما يجهز الفريق الخاص بالمركز لاكتشاف مغاصات الحمم البركانية في شرق آسيا وبالأخص اندونيسيا ويقوم المركز بتوزيع شهادات معتمدة للفريق.

18Jan

الاسبوع الي فات كان اسبوع حاف بالبر على الاخر.. الجو كان حلو وسكسي .. غزينا و طعسنا البراري بس اونس شي صار يوم رمينا بالشوزن .. الشباب كان فيهم شر مع ان من جم شهر مرمين 🙂

اخليكم مع الفيديو .. تر لا ينصح لضعاف القلوب 😛

5Dec

قبل اسبوع او اكثر فريق ليفبورد كان ضيف على تلفزيون الكويت في مقابله مساء الخير يا كويت..

فريق كويت ليفبورد فريق جديد على الساحه بس كبير بنجازاته و خبرته في وقت قصير.

Kuwait Liveaboard WebsiteFacebook

26Nov

بعد جم يوم من الرحلات، الكل تعبان و دايخ فكبرنا المخده اليوم و نمنا لي الساعه ١١ الضحى.

ويوم قعدنا رحنى تغدينا بقهوه دبي كالعاده و بعدها أجرنا تُوكتُوكين و قزو فينا بوكيت من بحرها لي مدينتها وحدها ضبطتنا صاحبت التُكتُك..

أول شي رحنى حلبت سباق سيارات Go Kart اول ما وصلنا عطونا انواع السيارات و سرعاتهم و اسعار تأجيرهم .. يعني اذا خذيت سياره cc نازل، سرعتها ماراح تكون ذاك الزود و تأجيرها راح يكون رخيص و كل ما زاد الـ cc زادت السرعه و فلوس التأجير بس بالنسبه لنا ما فرق سعر التأجير و كلنا كنا بنأخذ اسرع شي .. بس جان يقول الريال أي شي يخترب بالسياره راح ندفع فلوسه.. يعني تدعم شي و لا تدش بصاحبك ولا تسحك رصيف كله محسوب جان نهون عن السيارات السريعه و خذينا الي اقل منهم بدرجه يعني مسوين شي 🙂 و سعر التآجير بـ ١٢٠٠ بات.

انا مو من عشاق السباقات و السيارات بس حدي حدي استانست و الكل مكيف لان الجو عجيب و الحلبه عجيبه و التنافس بالسباق بينا بس كان معطي السباق شي حلو..

ويوم خلصنا رحنا مضمار الرمايه .. وكان ودي ارمي بمسدس.. المهم رحنى و كان تقريبا كل شي موجود من فُرود بس الشوازن و الرشاشات ماعندهم زود و ما يبردون الجبد..

بس وناسه الترمي و الطلقات و الصوت و الفُرود شي شي .. ما ينلامون الناس لما تبي تسوي عصابات p( .. و كان معدل سعر الـ ١٠ طلقات بـ ٩٠٠ بات الى ١٠٠٠ بات حسب نوع السلاح.

ويوم خلصنا ركبنا التكتك و اتجهنا الى البنجي جمب ويوم وصلنا المكان روعه كله زرع و بحيره و كوخ صغيرون و شي على اصوله بس تكرمون الي يشتغل هناك **** واحد شايف نفسه و يتكلم من طرف خشمه و شافنا عرب وبغى يتفلسف علينا جان اتهاوش معاه ومشينا و رحنى مكان ثاني ..

المكان الثاني ما كان بروعة الاول 🙁 بس يأدي الغرض و من اصل ٧ اشخاص نط ٤ … و بهالنطه عبينا ادرينالين صح 🙂 حسافه باجي الربع مانطوا 🙁 .. كلفتنا النطه ١٠٠٠ بات تقريبا.

يوم خلصنا قلنا نبي نرمي اطباق و نبي شوازن .. كويتيين مامنا فايده 🙂 .. جان يودونا بالتكتك مكان ثاني بس شوي بعيد بس خيالي .. ما شاء الله الطبيعه عندهم فيها طفوح مو طبيعي ..

وصلنا و رمينا و طلعت انا و اخوي النقوشيين فيهم 🙂 .. و بعدها ردينا فندقنا .. ريحنا و غسلنا و طلعنا نتمشي و ما يحلى التمشي من غير ما تاكل مانغا و اناناس  و بعد التمشي حجزنا رحلة باجر و ختمناها بقهوه دبي مثل كل يوم 🙂 .. و تصبحون على خير ..

24Nov

اليوم يوم راحه ماكو رحلة ولا شي يعني الي بنام ينام والي بيطلع يطلع و الوضع سعيد.. بس الكل ما يبي ينام و يبي يستانس, نبي نستانس من غير ما نباعد فماكو الا البحر الي جدام الفندق .

رحنى البحر ولا الموي شايل و الامواج عاليه و شكله السباحه راح تكون مليقه لان الوضع مو مال سباحه.. وبالفعل طلع اليال مو مال سباحه اليال حق الامواج و المناقز,, موجه ترفعك و موجه تجبسك.. و قزرناها مناقز على الامواج اكثر من 5 ساعات تخللها وجبات سريعه من الاناناس و المانغو والتشمس J و يوم بس خلاص تعبنا و فجينا أجرنا من على اليال الموزه والله لا يواريك 7 راكبين موزه ما يمديها تمشي الا طايحين و الشباب مو مقصرين استهبال.

صج هذا البحر الي يفتح النفس والي تقدر تنزل فيه.. لا ارض صبخه و طين ولا مُخَلفات مجاري و سموم ولا ريحه بانزين و جت سيكيات.. بحر نظيف و يال انظف – “حسافه على بحرج يا كويت” – اليوم صج ما رحنى رحله بس استمتعنا واحنى بمكانا و ما حسينا بالـ 5 ساعات.

وبسرعه سرعه تغدينا و شيشنا و ردينا الفندق لان المغرب راح نروح اشهر عرض عندهم الي تشوف اعلاناته كل مكان”Phuket FantaSea”.. وصلنا الباص الساعه 7 المساء تقريبا علما بان العرض ما يبلش الا الساعه 10 بس ماخذينا مبجر علشان نشوف المكان لان هذا العرض مو بس عرض مسرحي لا مكان فيه مثل مدينه فيها محلات و اكشاك و حركات مني و مناك و تصوير مع الفيله و الطيور و النمور.. المهم وصلنا هناك الساعه 7 ونص ودشينا و فترينا وصورنا و الوضع العام كان وناسه لان خوش ديكورات و المحلات تلاقي فيها تناتيف و خماجير حلوه و بعدها رحنى تعشينا في اكبر قاعه شفتها في حياتي, صج كبيره و مقسمه بترتيب و حاطين بوفيه خاص حق المسلمين “الاكل الحلال” بس الاكل ماكان حلوL.

وبعدها دشينا المسرح و الدخول كان مرتب على الاخر ما تقول ان اكثر من 1000 شخص داشين بنفس الوقت والعجيب في ترتيبهم ان محد يدخل معاه تلفون ولا كاميرا داخل المسرح ومع هذا ماكان زحمه.

بلش العرض بالوقت بس ماكان ذاك الزود مافيه اكشن يعني اذا انت دايخ ولا تعبان عادي تنام.. انا صراحتاً قمت اطقطق روس و شخرت شويه في اول 10 دقايق.. العرض فيه بعض الحركات البهلوانيه و نار و مطر وحتى حيوانات J بس كان بطيئ.

المسرح كان صج قوي صج صج قوي مو لعب بس الكراسي اسحملي اي شي ضيقين ما تعرف تقعد و منهرين من كثر الاستخدام..

تقييمي للعرض 4/10 بس تقييمي للمكان كامل من دشينا لين طلعنا 8/10 ويستاهل الزياره .. سعر التذكره كانت 1200 بات للشخص مع العشى .. مدة العرض ساعه من غير توقف.

و بهذا انتهى اليوم و تصبحون على خير.

22Nov

Last week as we were chatting about this and that an their are many new English words are being added to the dictionary every year and a friend of mine was bragging that he knows the longest English word and it was “supercalafragalisticexpialadoshus”  he said it many times repeatedly as you can watch some of him in below clip.

After i got home i wanted to post about it so i goggled the word, but guess what i found. it’s not a word, it something made-up and sang in a song.

The actual longest word is “pneumonoultramicroscopicsilicovolcanoconiosis” a supposed lung disease – 45 letters (source).

~ more about supercalafragalisticexpialadoshus

Word used in song in the movie “Mary Poppins” staring Julie Andrews and Dick Van Dyke. Winning 5 Oscars, a Golden Globe, and a Grammy, this movie will definitely be withstanding the test of time. It is also a common misconception that “supercalafragalisticexpialadoshus” is an actual word, which is, however, false. It is simply a funny “word” to say, and truly means nothing. However, the movie “Mary Poppins” states that it is something to say, when you do not know what to say. (source)

9Nov

الجو استعدل و بلش يبرد و العطله يت وتنادي على المخيم .. انا و الشباب ما صدقنا على الله و يمعنى الاغراض و شلنا قشنا و نصبنا .. الاجازه قضيناها بالبر و ان شاء الله الويك اندات اليايه ملتقانا هناك ..

منو خيم و منو بخيم ؟ تر الجو ناااار و شررررراررر.

6Nov

اليوم الرابع : المفروض اليوم نقعد مبجر نفس امس علشان السايق راح ايينا بس الكل راحت عليه نومه من التعب و ما قعدنا على المنبهات الي مضبطينها 🙁 الي قَّعدنا تلفون الرسيبشن يقول لنا السايق بره ينطركم .. الوضع كان طاش ما طاش علشان نغسل و نلبس و نطلع وما نتاخر على الرحله.. والحمدالله ما تاخرنا زود كلها 20 ديقيقه

 يوم وصلنا المرسى الكل يدور بقاله او مطعم او اي حد يبيع اكل 🙂 .. الكل كان يوعان و زين لقينا ككاو و بيبسي و ماي ..

الطلعه من اوله لي نهايتها شي خيالي .. سبحان الله على الطبيعه من بحر و جبال و زرع و سما .. لوحه كامله سبحان من صورها ..

وبعد ما نزلنا في جزيره بي بي رحنى مكانين غيرها نسبح و نتشمس و ناكل اناناس و رقي و مانغا .. رحله حده قويه و ما درينا المرسى الا الساعه ٥ ونص ومن المرسا لي الفندق.

المفروض نريح بس الشباب مو بخاطرهم يرتاحون فغسلنا و بدلنا و طلعنا نسرح و نمرح في شوارع بوكيت ..

Recent Posts

My Bucket List

Jacob’s Well, Texas – Fringe Festival, Edinburgh - Holi, India -